ILOILO CITY- Gintuad sang isa sa mga suod nga abyan sang ginluthang-patay nga si Punong Barangay Ernie Poral sang Ingore, La Paz nga may yara gid man ini sang nabaton nga pamahog sa kabuhi.
Sa interview sang Bombo Radyo kay Barangay Kagawad Antonio Jaleco sang Baldoza, La Paz, iya ginpahayag nga gin-ako sa iya ni Poral nga may mga tawo nga madugay na nga naga-monitor sa iya hulag.
Suno kay Jaleco, mangin siya ang wala nagkulang sa pagpaandam kay Poral nga maghalong gid.
Gindugang man ni Jaleco nga may yara sang ginpasakaan sang kaso si Poral apang indi sini mapat-ud kun may kaangtanan ini sa natabo sa biktima.
Nagpanawagan man ini sa publiko ukon kun may sin-o man nga may ihibalo nga posible makabulig sa imbestigasyon, mas maayo nga mangisog kag magpakig-angot lang sa otoridad.
