Gin-anunsyo sang militar sang Myanmar nga magapakita na sa korte ang ginpreso nga civilian leader nga si Aung San Suu Kyi.
Suno sa junta leader sang pungsod nga si Min Aung Hlaing, maayo subong ang ikaayong lawas sang 75 anyos nga si Suu Kyi.
Si Suu Kyi ang isa ka Nobel Peace Prize laureate kag kilala sa iya panindugan batok sa militar sang Myanmar.
Dala siya sa masobra 4,000 ka tawo nga ginpreso kasunod sang kudeta nga ginpatigayon sang militar sang Pebrero 1 subong nga tuig.
Nagapangatubang siya sang sampaw-sampaw nga kaso lakip na ang iligal nga possession sang walkie-talkie radios kag paglapas sa state secrets law.
Liwat naman nga gin-athag sang junta leader nga ginkuha sang militar ang gahum sa pagdumala sa Myanmar bangud sang ginapahayag dinayaay nga natabo sang nagdaug ang kampo ni Suu Kyo sang nagligad nga eleksyon — akusasyon nga una naman nga ginbasura sang election commission.
Halin sang nag-umpisa ang kudeta, naglab-ot na sa 815 ka tawo ang ginpatay sang security forces.
Ini ang santo sa data sang activist group nga Assistance Association for Political Prisoners.
