”Glad I could help.”
Ini ang sabat ni President Ferdinand ‘Bongbong’ Marcos, Jr. sa statement nga ginbuy-an ni Vice President Sara Duterte sang nagligad nga adlaw nga nagapasalamat ini sa chief executive bangud paagi sa ginhimo ni Marcos suno sa iya, nagpatawaray na sila sang iya amay kun ano man ang natabo sa ila kabuhi.
Ang ginatumod ni Sara amo ang pagpadakop sa iya amay nga si former President Rodrigo Duterte, kag samtang yara ini sa detention facility sa The Hague, Netherlands, nag-ayo suno sa iya ang ila nga relasyon bilang mag-amay.
“This really is ironic, but I have to thank Bongbong Marcos because there was forgiveness between me and [former President Duterte] for all that has happened in our lives,” suno sa vice president. Diri sini gindugang nga nag-ayo na ang ila “father-daughter relationship.”
Ang malip-ot nga sabat ni Marcos ang ginbasa naman ni Palace Press Officer Usec. Claire Castro, Abril 3.
Antes ginbasa ang mensahe sang presidente, nagsabat anay si Castro kay Sara nga ang una sini pasalamatan amo mismo ang amay nga Duterte, bangud siya man ang responsable sa iya ginpanghimo rason kun ngaa didto siya subong sa Netherlands.
”Mas maganda po siguro kung magpasalamat muna si VP Sara sa kanyang ama mismo, kay dating Pangulong Duterte, dahil kung siya man po ay nagkaroon ng pagkakataon at nagkaroon ng oras kasama ang kanyang ama ay dahil po ito sa kasong EJK,” suno kay Castro. ‘Kung hindi po naganap at nagawa ang sinasabing mga aksyon patungkol sa war on drugs at walang nag-complaint, hindi naman din sila magkakaroon ng pagkakataon na makapunta sa The Hague, so mas maganda pasalamatan niya muna po, dahil sa ginawa ng kanyang ama, sa mga inerereklamo sa kanya, iyon po ang naging cause kung bakit sila nasa The Hague.”
Nahibaluan nga si Marcos ang ginabasol sang mga Duterte kag ila mga kaalyado kun ngaa didto sa The Hague ang former chief executive agud atubangon ang kaso nga crimes against humanity sa International Criminal Court (ICC) bangud sa iya drug war.#
