Ginapasigurado sang gobyerno sang New Zealand nga ma monitor ang sitwasyon sa COVID-19 sa ila pungsod.
Suno kay kay Bombo International Correspondent Tess Peeters, tumandok sang Sto. Niño Sur, Arevalo, Iloilo City kag subong naga-istar sa Auckland New Zealand, iya ginpahayag nga may yara sila COVID tracer nga application sa diin tuman ka epektibo bangud mahibaluan kun sa diin ang ginahalinan nga lugar sang isa ka tawo.
Nahibaluan nga ang pinakaulihi nga COVID-19 patient sa nasambit nga pungsod ang crew sang Air New Zealand sa diin ginapatihan nga na expose ini sa virus sa iban nga pungsod.
Ang pasyente ang naghalin sa United Kingdom via the United Arab Emirates kag Malaysia kag nagpositibo sa COVID-19 matapos ang ginpatigayon nga testing sa New Zealand.
