Natalana nga mag-utang na naman ang gobyerno sang dugang nga P540 billion sa Bangko Sentral ng Pilipinas (BSP) agud gamiton para sa budgetary support samtang nagapangatubang sang fiscal deficit ang pungsod tuga sang COVID-19 pandemic.
Suno kay BSP Governor Benjamin Diokno, gin-aprubahan na sang Monetary Board ang borrowing program sang nagligad nga semana.
Matandaan nga gin-aprubahan man sang bangko ang duha ka loans sang national government balor P540 billion kada isa — sang Disyembre 2020 kag ang isa naman sang Oktubre sang tinalikdan man nga tuig.
Nahibaluan nga ang central bank ang nagpa-utang man sang P300 billion sa gobyerno sang Marso 2020.
