Ginlunsar sang gobyerno ang nationwide price monitoring program para makit-an ang epekto sang ginbuhinan nga taripa sa bugas.
Ini nga programa ang pangunahan sang Department of Trade and Industry kag Department of Agriculture.
Iga-cover sini nga price watch ang retail markets, grocery stores, kag pati na ang wet markets.
Ginpasalig naman sang DTI nga istrikto sini nga iga-monitor ang tanan nga mga presyo kag ang tanan nga impormasyon nga ila makuha sa sini nga programa amo ang igapasa kag natalana nga gamiton sang policymakers para masigurado nga bastante ang rice supply.
Kun matandaan, sang Hunyo sang gin-isyu ni President Ferdinand “Bongbong” Marcos Jr. ang Executive Order No. 62 kun sa diin gin-modify ang import duty rates sang nagkalain-lain nga commodities agud nga mapahagan-hagan ang inflationary pressure kag protektahan ang purchasing power sang mga Pilipino.
