Nagpain sang 1 billion pesos ang gobyerno para sa University of the Philippines System agud pabaskugon ang Project NOAH ukon ang Nationwide Operational Assessment of Hazards.
Ang Project NOAH isa ka proyekto sang Department of Science and Technology nga nagagamit sang science, technology, kag hazard mapping.
Makabulig ini agud mas temprano nga mahibaluan kun may ara sang may magluntad nga peligro nga dala sang baha kag iban pa nga kalamidad.
Suno kay Palace Press Officer Atty. Claire Castro, nagmando na ang presidente sa Department of Budget and Management (DBM) nga ipagwa ang pondo.
Sa kabilugan nga pondo, 935 milyon pesos ang para sa search services, samtang 65 milyon pesos ang para naman sa project management kag administration.
Paagi sa AI-enhanced modeling, LiDAR (Light Detection and Ranging) mapping kag data analytics, makahatag ang Project NOAH sang real time nga impormasyon kag prediksyon sa possible nga pagbaha kag iban pa nga kalamidad.
Ginalauman nga makabulig man ini sa mga ahensya sang gobyerno kag Local Governmenrt Units agud mapabaskog kag makadesisyon sang maayo bag-o mag-abot ang malala nga mga kalamidad.
