Nagapatuman ang gobyerno sang hugot nga pagbantay sa mga patyo, terminal, kag mga dalanon para masiguro ang kaluwasan kag kahilwayan sang publiko sa pagsaulog sang Pyesta Minatay.
Antes magbiyahe padulong sa South Korea para sa APEC Summit, ginmanduan ni Presidente Ferdinand Marcos Jr. ang mga ahensya sang gobyerno nga magbantay kag maghatag sang bulig sa mga pasahero.
Suno kay Palace Press Officer Claire Castro, ginsiguro sang DSWD nga handa ang mga field offices kag may yara sang relief goods kag pagkaon para sa mga posible nga ma-stranded.
Samtang, ang Department of Trade and Industry (DTI) nagasiguro nga wala sang pagtaas sa presyo kag padayon ang price monitoring.
Ginpahayag ni Castro nga apisar yara sa APEC si Marcos Jr., padayon nga ginaprioridad sang gobyerno ang kaluwasan kag kaayuhan sang publiko sa Pyesta Minatay.
