Nag-alokar ang gobyerno sang Pilipinas sang masobra P10.3 B para sa pag-modernize sang rice processing facilities sa pungsod.
Suno sa Department of Agriculture ukon DA, ang pondo gamiton sa pagpatukod sang 36 ka modern rice processing facilities kag pag-rehabilitate sang 128 ka bodega sang palay sa Pilipinas.
Lakip sa gin-modernize ang NFA Dumangas Grain Facility sa Iloilo, nga may rice mill capacity nga 10 metriko tonelada kada oras kag mechanical dryer nga makaproseso sang 240 metriko tonelada kada adlaw.
Sa tion nga ginapasangkad ang rice processing, ginpahayag sang DA nga ang NFA may yara sang ginabanta masobra 278,000 metric tons nga milled rice stock nga igo para sa mga pito ka adlaw nga national demand.
Apang, ginapaabot sang Philippine Statistics Authority nga posible magnubo sang 15% ang produksyon sang palay sa ikatlo nga quarter sang 2026 kumpara sa amo man nga period sang 2025.
