Ginpahayag ni National Bureau of Investigation (NBI) Director Jaime Santiago nga nagplastar sang pila ka kondisyon ang gobyerno sang Timor-Leste antes ini nagpasugot sa deportasyon ni anay Negros Oriental Rep. Arnie Teves Jr. pabalik sa Pilipinas.
Isa sa mga ginpatuman nga kondisyon amo ang pag-isyu sang certificate of handover nga nagamando nga dapat tratuhon si Teves sa makatawo nga pamaagi kag indi dapat presuhon sang sobra sa 40 ka tuig.
Ginsaysay ni Santiago nga suno sa Article 70 sang Revised Penal Code, ginapahamtang sang 3-fold rule nga ang maximum nga sentensiya sang isa ka convicted person, apisar pa man damo ang kaso, limitado lamang sa 40 ka tuig nga pagkapreso.
Dugang pa nga kondisyon amo ang pagpaniguro nga indi mag-agi sa torture si Teves kag dapat nga madetine lamang siya sa mga pasilidad nga nagasunod sa international standards.
Ginpasiguro man sang Timor-Leste nga indi pagpasakaan si Teves sang sentensya sang kamatayon kag dapat siya hatagan sang patas kag public trial base sa layi sang Pilipinas.
