Nagnubo ang volume sang foreign direct investments (FDI) sa Pilipinas ipaanggid sa iban nga kaiping nga mga pungsod.
Suno kay Senator Richard Gordon, chairman sang Senate Committee on Government Corporations and Public Enterprises, halin sa $8.2 billion sang 2016, nagnubo ang foreign investments sa $6.5 billion sang 2020, kag $1.5 billion sang Enero tubtob Pebrero sini nga 2021.
Pahayag ni Gordon, ini nga figures ang tuman ka disbentaha ilabi na nga may P11-trillion pa nga utang ang pungsod.
Agud mabutong pabalik suno sa iya ang foreign investors, kinahanglan nga makahatag ang pungsod sang nagakaigo nga incentives.
“Tingin ko babalik talaga tayo ng incentives,” pahayag ni Gordon.
Nahibaluan nga ang mayor nga katuyuan sang hearing nga ginpatigayon sang Senado amo ang Senate Bill No. (SBN) 1549 nga nagatuyo nga makahimo sang Regional Investment and Infrastructure Coordinating Hub of Central Luzon (RICH).
Katuyuan sini nga mapasangkad ang paggamit sang available infrastructures, natural resources, kag human resources agud ma-engganyo ang foreign kag local investments saggwa sang National Capital Region.
“The future is now and all government needs to do is to create the atmosphere of equal opportunity. The atmosphere where people can go in and trade mind for mind, work for work, effort for effort and enjoy the blessings of their hard work and vision.”
