ILOILO — Nagpatawag si Iloilo Governor Arthur Defensor, Jr. sang pagsinapol kaupod ang Iloilo City Government lakip na ang Iloilo City Traffic Management Unit (ICTMU) kag pila ka mga transport cooperatives nga naghalin sa first town sang Iloilo Province kaangot sa mga naapektohan sang pagsugod sang transport holiday subong nga adlaw.
Sa interview sang Bombo Radyo kay Ret. Police Colonel Uldarico Garbanzos, head sang ICTMU, iya ginpahayag nga ang sitwasyon sa Festive Transport Hub, Tagbak Terminal, kag Ungka ITGSI ang isa ka business unusual bangud man sa wala nag-upod ang pila ka mga first town
Suno kay Garbanzos, ang nagabyahe Oton to Mohon lang ang nagpartisipar, sa diin nakit-an sa Mohon Terminal ang malawig nga pila sang mga pasahero bangud man sa kakulangan sang mga nagpamasada nga mga jeeepney operators.
Ginpahayag man sini nga may nagbyahe sa nasambit nga ruta apang malaka lamang bangud pag-abot sang alas-8:00 sang aga, nag-untat na sila byahe.
Nakit-an man ni Garbanzos nga naapektohan gid ang pila ka mga pasahero nga nagahalin kag nagapadulong sa banwa sang Oton.
Nahibaluan nga ang Local Government Unit (LGU) sang Oton ang nagpaguwa sang ila nga salakyan agud i-deploy kag matatapan ang mga indi makasakay nga pasahero.
Nagbulig man ang Land Transportation and Regulatory Board (LTFRB) Region 6 nga maghatag sang permit sa mga jeep sang syudad agud nga makuha kag madul-ong sang mga pasahero sa Mohon Terminal.
Nagpasalig man si Garbanzos nga preparahan subong nga hapon ang mangin sitwasyon sang terminal sa diin, ginahitsu na sang bahin sang Iloilo Provincial Government kag Iloilo City Government ang masunod nga tikang.
Nahibaluan nga nangin epektibo ang implementasyon sang 40% nga pagpasulod sa syudad sang consolidated units halin sa first town sang probinsya sang Mayo 31, 2024.
