Ginsapol ni Iloilo Gov. Arthur Defensor Jr. ang mga department heads sa tagsa ka mga ahensya sang gobyerno bilang pagpanghanda sa mga nagasulod nga bagyo.
Sa interview sang Bombo Radyo kay Gov. Defensor, iya ginpahayag nga ginplastar niya ang mga dapat nga ubrahon bangud may yara naman sang bag-o nga bagyo nga nagsulod magluwas kay bagyo rolly.
Suno kay Defensor, padayon ang iya monitoring sa mga reports sang tagsa ka mga Municipal Disaster Risk Reduction and Management Office.
Panugyan sang gobernador, apisar nga wala man nagtupa ang ulan sa norte nga bahin sang probinsya sang Iloilo nga ginpaidalom sa Signal no.1, magbantay kag mag-aligmat sa gihapon sa sitwasyon sang panahon.
