𝗔𝗡𝗧𝗜𝗤𝗨𝗘 — May ginapilian na nga duha ka options si Antique Governor Rhodora Cadiao para sa 2025 midterm elections.
Sa interview sang Bombo Radyo kay Cadiao, iya ginpahayag nga ini na ang iya pinakaulihi nga termino bilang gobernadora sang Antique kag mahimo nga ma-retire siya sa politika ukon mapa-eleher bilang congresswoman sang Antique.
Suno kay Cadiao, malawig pa ang mga tinion agud makadesisyon siya bangud man sa madugay pa ang filing sang candidacy.
Ginpahayag man sini nga magapabilin siya sa idalum sang National Unity Party (NUP) apang bukas ini nga maimbetaran ni President Ferdinand Marcos, Jr. agud nga mangin kabahin sang Partido Federal ng Pilipinas (PFP).
Nahibaluan nga nag-signify si Cadiao sa league of the governors agud mangin kabahin sang Partido Federal ng Pilipinas, apang sa ulihi nga tinion, ginkakas ang iya nga pangalan.
Kun matigayon nga magapapili si Cadiao bilang congresswoman, posible nga makasumpong sini si incumbent Antique Representative Antonio Legarda, Jr. nga manghod ni Senator Loren Legarda.
