ILOILO CITY- Gin-ako ni Iloilo Governor Arthur Defensor Jr. nga wala ini gin-imbitar sa national assembly sang Pacquiao-Pimental faction sa idalom sang Partido Demokratiko Pilipino- Lakas ng Bayan (PDP-Laban) sang damlag lang.
Matandaan nga sa amo nga assembly, ginbaton ni Senator Manny Pacquiao ang nomination sa pagka- presidente sa idalom sang ila faction apisar nga una na nagdeklarar ang faction ni Energy Secretary Alfonso Cusi nga si Sen. Bong Go ang ila presidential nominee kaupod si Pres. Rodrigo Duterte para sa pagka-bise presidente.
Sa interview sang Bombo Radyo kay Defensor, iya ginpahayag nga sa iya bahin, magahulat na lamang siya sang mangin desisyon sang Commission on Elections en banc kon sin-o ang madesisyunan nga lehitimo nga mangin standar bearer sang partido.
Nahibaluan nga si Defensor ang chairman sang PDP-Laban sa Iloilo.
