ILOILO CITY – Ginahulat ni Iloilo Gov. Arthur Defensor Jr. ang report sang Philippine Drug Enforcement Agency agud mahibalu-an ang illegal drug situation sa probinsya sang Iloilo.
Sa interview sang Bombo Radyo kay Defensor, iya ginpahayag nga antes makadihon sang mga lihok, importante anay nga mahibalu-an kun ano ang status sang probinsya kun illegal drugs ang pagahambalan.
Suno kay Defensor, kinahanglan nga ang Local Government Unit ang may yara sang ibulig sa law enforcement agency agud nga matapna ang illegal drugs.
Ginpahayag ni Defensor nga kinahanglan nga may yara anay sang plano kun paano ipatuman ang anti-drug program.
Magluwas sa plano, kinahanglan man ang pagpatukod sang rehabilitation kag education center para sa mga drug surrenderee.
