𝗜𝗟𝗢𝗜𝗟𝗢 𝗖𝗜𝗧𝗬 — Lakip sa siyam ka mga gobernador si Iloilo Governor Arthur Defensor, Jr. sa mga nagpirma sang manifesto nga nagasuporta sa administrasyon ni President Ferdinand Marcos, Jr.
Sa interview sang Bombo Radyo kay Governor Defensor, iya ginpahayag nga ini ang isa ka pagpakita sang commitment sa ginaduso sang administrasyon nga Bagong Pilipinas.
Suno kay Defensor, nagpadulong siya sa probinsya sang Cebu agud magpakigbahin sa programa sang administrasyon bangud nalakip ang Iloilo sa mga benepisyaryo sang Department of Health (DOH).
Ginpahayag sini nga isa sa mga na-anchor sa amo nga programa amo ang paghatag sang national government sang mobile clinic para sa Iloilo Provincial Health Office nga ginpangunahan ni First Lady Liza Araneta-Marcos.
Nagalaum man ang gobernador nga sa amo nga approach sang national government sa Iloilo, mas madamo pa sang proyekto kag mga programa ang makabulig sa mga Ilonggo.
