Ginalauman ni Iloilo Provincial Governor Arthur Defensor Jr., nga mabalik sa orihinal nga judging areas ang Kasadyahan sa Kabanwahanan kag Dinagyang Tribes Competition.
Sa interview sang Bombo Radyo sa Gobernador, iya ginpahayag nga may bintaha kag disbintaha sang ginpatigayon ang Kasadyahan sa Kabanwahanan kag Dinagyang Tribes Competition sa mga bag-o nga judging area apang suno man sa iya nga indi ini sala nga desisyon.
Ini matapos nga ginpamangkut si Defensor nahanungod sa iya reaksyon angut sa pahayag sang Iloilo Festivals Foundation Inc. (IFFI) nga ibalik sa City Proper ang venue ukon judging area sang Dinagyang Tribes Competition sa 2027.
Apang paathag man niya, nakadepende ini sagihapon sa desisyon sang IFFI kag Iloilo City Government bangud ara ini sa ila jurisdiction.
