Nagalaum si Iloilo Governor Arthur Defensor Jr. nga masolbar na ang issue sang mga myembro sang Partido Demokratiko Pilipino–Lakas ng Bayan (PDP-Laban) kadungan sang patigayunon nga meeting subong nga adlaw kag national assembly bwas, Hulyo 17.
Sa interview sang Bombo Radyo kay Governor Defensor, iya ginpahayag nga magatambong man siya sa pagsinapol la-una subong nga hapon via zoom.
Suno sa gobernador, kalabanan sa desisyon sang partido ang nakadepende gid sa Presidente.
Nahibaluan nga mas nagasingki pa ang away sa tunga sang grupo nanday Senator Manny Pacquiao kag Department of Energy Sec. Alfonso Cusi nga lunsay man magkaupod sa partido.
Ginalauman nga magatambong si Presidente Rodrigo Duterte sa national assembly sang PDP-Laban.
