Nagaplano nga magtukod sang food terminal si Iloilo Provincial Governor Arthur Defensor Jr., nga bukas para sa tanan ilabi na sa mga bolantero halin sa probinsya sang Iloilo.
Sa interview sang Bombo Radyo kay Defensor, iya ginpahayag nga ipahamtang ang nasambit nga food terminal sa isa ka ‘strategic location’ agud nga maplastaran sang maayo sang mga mangunguma agud makabaligya sang ila nga mga produkto.
Ginklaro man sini nga handa man ang ginaplano nga food terminal nga magbaton sang mga bolantero sang siudad.
Suno man kay Defensor, magapangita man sila sang pribado nga sector nga magabulig sa ila sa pagpatindog sang nasambit nga proyekto bangud indi man nila ini masarangan nga matukod ang kun pondo lang sang probinsya ang ila saligan.
Dugang pa niya, apisar nga malayo pa nga mapatuman ang plano, may ara na sila sang ginalantaw nga lokasyon.
