Gov. Defensor nagpangabay sa mga pumuluyo sang probinsya nga ipa-umod anay ang mga naandan sang nakaligad nga tuig agud malikawan ang COVID-19

Indi na masarangan pa sang Iloilo nga ibutang liwat sa Enhanced community quarantine ang probinsya kag syudad.

Sa interview sang Bombo Radyo kay Iloilo Gov. Arthur Defensor Jr., iya ginpahayag nga ipa-umod subong ang naandan sang nakaligad nga tuig kadungan sang pagsaulog sang holiday season.

Suno kay Gov. Defensor, agwantahon anay ang mga restrictions nga ginapatuman bangud posible nga sa insakto nga tion, makabalik naman sa normal ang pagpangabuhi sang tawo.

Indi luyag sang gobernador nga ma-uyang lang ang tanan nga ginpangabudlayan sang Iloilo Provincial Government sa mga tinalikdan nga binulan.