ILOILO – Nakahanda si Iloilo Gov. Arthur Defensor Jr. nga ipausisa ang ginapahayag pagpabaya sang Western Visayas Sanitarium sa isa ka COVID-19 patient nga ginbawi-an sang kabuhi.
Sa interview sang Bombo Radyo kay Defensor, iya ginpahayag nga apisar yara sa probinsya sang Iloilo ang Western Visayas Sanitarium apang ini naman ang ginadumala sang Department of Health.
Suno kay Defensor, kun may yara sang reklamo nga ipalab-ot sa Iloilo Provincial Government, nakahanda siya sa paghatag sang due process.
Ginpahayag ni Defensor nga nakapangayo sang cash assistance ang pamilya sang napatay nga COVID-19 patient nga tumandok sang Anilao, Iloilo apang wala sila nakapalab-ot sang opisyal nga reklamo.
Kun kinahanglanon gid nga magpakigbahin ang Iloilo Provincial Government, ginpahayag sang gobernador nga mas makapaayo kun iplastar ang tanan nga kinahanglanon para sa imbestigasyon.
