Wala untat ang pahanumdom ni Iloilo Governor Arthur Defensor Jr. sa mga nagapadalagan nga kandidato sa Iloilo Province nga likawan ang pagpangtapik sang mga campaign posters sa indi designated areas.
Sa interview sang Bombo Radyo kay Defensor, iya ginpahayag nga unay na ang iya nga pahanumdom sa mga pulitiko nga likawan gid ang pagpaskil sang mga posters sa mga kahoy kag poste sang kuryente.
Suno sa gobernador, nagakadapat man nga pangkakson gilayon sang mga kandidato ang ila ginpangtapik nga posters pagkatapos sang eleksyon.
Gin-ako ni Defensor nga masami gid siya nga nagapahanumdom sa iya supporters nga indi gid magpangtapik sang tarpaulins kag posters sa indi designated areas.
