ILOILO – Wala pa ginpangalanan ni Iloilo Governor Arthur Defensor, Jr. ang iya possible nga mangin running mate sa May 2025 midterm elections.
Si Defensor amo sa subong ang nagapungko bilang Vice President for the Visayas kag concurrent nga Regional Chairman sang ruling party nga Partido Federal ng Pilipinas (PFP).
Ang PFP amo ang Partido ni President Ferdinand, Marcos, Jr.
Sa interview sang Bombo Radyo kay Defensor, iya ginpahayag nga sa subong, indi pa niya mahimo nga pangalanan ang iya maka-upod sa politika.
Mangin ang mga kandidato sini sa mga banwa ang indi pa man kumpleto.
Suno kay Defensor, bukas ini kun may mga luyag magbunggo sa iya ukon may mga gusto man nga magpadalagan bisan vice governor.
Sa pihak nga bahin, gin-athag man sang gobernador nga magluwas sa iya utod nga si incumbent Iloilo 3rd District Rep. Lorenz Defensor, wala na sa iban pa nga myembro sang ila nga pamilya nga mapadalagan sa midterm elections.
