𝗔𝗡𝗧𝗜𝗤𝗨𝗘 — Ginkumpirma ni Antique Governor Rhodora Cadiao nga magapadulong si President Ferdinand Marcos, Jr. sa Antique sa adlaw sang Huwebes, Hunyo 27, 2024 agud nga maghatag sang ayuda sa mga mangunguma nga naapektohan sang El Niño Phenomenon.
Sa interview sang Bombo Radyo kay Cadiao, iya ginpahayag nga ang
Presidential Assitance to Farmers, Fisherfolk, and Families program ang para sa mga naapektohan sang El Niño Phenonmenon sa Antique, sa diin, may yara sang 10,000 ka mga farmers kag fisherfolks sa probinsya ang makabaton sang ayuda.
Suno kay Cadiao, makabaton ang mga benepisyaryo sang P10,000 kada isa, samtang 5,000 naman ka mga recipient ang makabaton sang 5 kg nga bugas.
Ginalauman naman sang natungdan nga luwas kay Pres. Marcos, makadto man sa probinsya ang pila ka mga matag-as nga opisyal sang gobyerno, kaangay na lang kay House Speaker Martin Romualdez.
Nahibaluan nga ini na ang ika-tatlo na nga pagpadulong sang presidente sa amo nga probinsya agud nga maghatag sang bulig sa mga Anotiqueño.
