MANILA – Naglab-ot sa P1.331 billion ang nadula sa kaban sang gobyerno bangud sa advance payments nga wala ginbalik sang kontrator apisar nga wala nakumpleto ang proyekto.
Santo sa report sang Commission on Audit (COA), ang unreturned payments ang naglapas sa probisyon sang Government Procurement Act kun sa diin nakasaad nga ang mga kontraktor ang kinahanglan nga magbalik sang advance payments sa tion nga gin-untat ang pagpatigayon sang proyekto.
Santo sa report, naglab-ot sa 530 ang completed samtang 21 naman ang discontinued nga proyekto sang Department of Public Works and Highways (DPWH).
Ang rehiyon nga may highest number sang discontinued projects amo ang Region X kun sa diin P265,565,963 ang kantidad nga wala nabalik sa kaban sang gobyerno.
Apisar sang pagpaathag sang DPWH, ginmandu sang COA ang pagtukod sang separado nga komitiba nga amo ang magadumala sa payments.
Magluwas diri, ginmandu-an man ang DPWH nga kaayuhon ang records agud mahibalu-an kun sanday sin-o ang dapat nga manabat.
