ILOILO CITY – Gin-anunsiyo sang Government Service Insurance System (GSIS) ang extension sang Program for Restructuring and Repayment of Debts (PRRD) sa anay myembro sini tubtob sa Hunyo 30.
Suno kay GSIS president kag general manager Rolando Ledesma Macasaet, ginpalawig pa tubtob sa Hunyo ang PRRD agud nga makahatag sang ligwa para mas madamo pa nga indi aktibo nga myermbro ang gusto nga mag-apply sang condonation ukon ipadayon ang ila nga pagbayad sang loans sa idalom sang programa.
Suno pa kay Macasaet, kuhaon ang penalties sa mga nabilin nga loan sang naghalin sila sa serbisyo.
Ang PRRD amo ang one-time condonation kag restructuring program.
Ini ang ginlunsyar sang Disyembre 2018 kag una nga ginplano nga tubtob sa Disyembre 2019 gid lamang apang gin-extend tubtob December 2020, December 2021, kag February 2022 agud nga mabuligan ang mga naggwa na sa serbisyo sa gobyerno agud nga ma-settle ang ila outstanding loan obligations.
