Nagpasalig ang Malacañang nga indi maapektuhan ang serbisyo sang gobyerno apisar sang courtesy resignations nga ginpasa sang mga Cabinet Secretaries.
As of press time, 33 officials na ang naka-file sang courtesy resignations kag may anum nga nagpahayag man sang intensyon nga magpasa sini kasunod mismo sang panawagan sang presidente.
Suno kay Palace Press Officer Undersecretary Atty. Claire Castro, magapadayon gihapon sila sa ila nga trabaho sa administrasyon gani nga wala sang pending projects nga maapektuhan.
“Maliwanag din po ang sinabi ng Pangulo, hindi po maaapektuhan kung anuman po ang pending at existing projects habang po ito ay may transition at tuloy-tuloy lamang po ang pagtratrabaho ng mga Cabinet secretaries at mga tao sa gobyerno,” pahayag sang undersecretary.
Importante ini nga tikang suno kay Castro agud nga mapamatud-an sang mga opisyal nga nagakabagay sila nga magpabilin sa Marcos administration.
Nagpahayag man ini nga wala sang lugar sa administrasyon ang mga tamadan kag mga kurap nga tiglikom sang Gabinete.
“Mas maganda po ito na mapakita rin ng ating mga heads of agencies, Cabinet secretaries na sila ay naaayon sa goal ng Pangulo. Ipakita nila na sila ay dapat manatili bilang parte ng administrasyon ng ating Pangulo,” dugang sini.
Sang ginpamangkot kaangot sa metrics sang evaluation, ginsiling sini nga iga-base ini sa performance sang secretary kag kun may yara sang isyu sang kurapsyon sa sulod sang ahensya.
Sa nauna nga press release, ginsiling sang presidente nga tuyo sang pagpa-pasa sang courtesy resignations sa Cabinet secretaries nga ma-“recalibrate” ang administration kasunod sang 2025 elections.
