Naka-file na sang iya certificate of candidacy (COC) si Iloilo Governor Arthur Defensor Jr.
Nahibaluan nga nagpa-reelect si Defensor bilang gobernador sang Iloilo Province.
Nakadungan sang gobernador sa filing sanday Iloilo Second District Board Member June Mondejar, Third District Representative Jason Gonzales, Vice Governor Christine ‘Ting-Ting’ Garin kag si Sharon Garin sang Partylist AAMBIS OWA.
Sa interview sang Bombo Radyo kay Governor Defensor, iya ginpahayag nga hugot niya ginaduso nga mapatuman ang proyekto nga ‘More Progress Iloilo’ sa tion nga mapilian siya nga mangin gobernador sa gihapon sang probinsya.
Kalakip sa luyag nga mapatuman sang gobernador ang paghatag sang masanyog nga access sa investment kag employment opportunities, food security, pag-provide sang health and social services, mas epektibo kag transaparent nga gobyerno kag iban pa.
Dugang pa sang gobernador, ang iya subong alyansa ang malayo sa nagligad gani mas makasalig ang mga pumuluyo sang masangkad nga serbisyo publiko.
