ILOILO– Nakigsapol si Province of Iloilo Governor Arthur “Toto” Defensor Jr. kay Department of Agriculture Secretary William Dollente Dar agud istoryahan ang epekto sang Rice Tarrification law sa mga mangunguma sa probinsya.
Sa interview sang Bombo Radyo kay Governor Arthur Defensor, iya ginpahayag nga isa man sa mga naistoryahan sa nasambit nga pakigsapol amo ang mga lihok nga ubrahon agud mabuligan ang mga mangunguma nga apektado sang pagnubo sang presyo sang humay.
Una nga lihok amo ang siguraduhon nga may yara sang mabakal sang humay sang mga mangunguma sa insakto nga presyo.
Ikaduha dugangan sang National government ang ikasarang sang National Food Authority nga baklon sa mataas nga presyo ang mga humay sang mangunguma.
Suno sa gobernador, tinghuaan man sang probinsya nga mabuligan ang national government nga mabakal ang mga humay sa mas maayo nga presyo.
