Nagpahanumdom si Iloilo Governor Arthur Defensor, Jr. sa publiko nga mangin vigilante kag maghalong sa mga impormasyon nga makita online ilabi na sa fake news.
Ginpaguwa ni Defensor ang panawagan matapos nga naglapta online ang misinformation may kaangtanan sa pagdakop kay anay Presidente Rodrigo Duterte bangud sa kaso nga crime against humanity.
Sa interview sang Bombo Radyo kay Governor Defensor, iya ginpahayag nga mangin responsable sa pag-share sini, kag kinahanglan hatagan sang importansya sa pag-verify sang mga kamatuoran agud malikawan ang paglapta sang fake news.
Ginhatagan pagtamod sang gobernador nga dapat mangin discerning ang mga tawo sa mga impormasyon nga ila ginakonsumo, indi lamang ang may kaangtanan sa pagdakop kay Duterte, kundi subong man ang iban pa nga concerns nga posible makaapekto sa ila kabuhi.
Suno kay Defensor, bisan siya ang may peke nga mga facebook accounts nga nagalapta.
Nagpaandam man ini sa mga kabataan nga masami nagagamit sang cellphone nga tsekyaron sang maayo ang ang gina-share online bangud indi tanan nga makita diri, ang matuod.
