ILOILO – Posible na nga makaguwa sa ospital matapos naglain ang pamatyag kag gin-admit si Iloilo Provincial Governor Arthur Defensor Jr.
Sa interview sang Bombo Radyo kay Provincial Administrator Atty. Suzette Mamon, iya ginpahayag nga estable, recovering, kag resting na ang kondisyon sang gobernador sa ospital.
Suno kay Mamon, gilayon nagpa-admit si Defensor sa ospital kahapon sang hapon agud masiguro ang kahimtangan kag natukiban nga may yara ini sang gastrointestinal disorder nga nagresulta sa dehydration.
Madamo suno kay Mamon sang ginkadtuan ang gobernador para sa pila ka mga importante nga hilikuton. Dugang pa sang natungdan nga nagnegatibo man si Defensor sa reverse transcription polymerase chain reaction (RT-PCR) test.
