ILOILO CITY – Ginpagwa na sang Philippine Basketball Association ang schedule sang season-ending Governors’ Cup nga magasugod sa Domingo, Enero 22.
Pagabuksan sang Meralco Bolts kag Rain or Shine Elasto Painters ang liga, alas-4:30 sang hapon sa PhilSports Arena nga pagasundan sang hampang sa tunga sang Converge FiberXers kag NorthPort Batang Pier, alas-6:45 sa gab-i.
Sa Enero 25 naman, magahampang ang Blackwater Bossing kag TNT Tropang Giga kag magakontrahanay man ang NLEX Road Warriors kag Phoenix Super LPG Fuel Masters.
Ang bag-o gid lamang nagdaog sa Commissioner’s Cup kag reigning Governors’ Cup titleholder nga Barangay Ginebra San Miguel ang magahampang sa Pebrero 5 batuk sa Rain or Shine Elasto Painters.
Sa amo nga liga, lima ka hampang ang patigayunon sa isa ka semana.
Magluwas sa PhilSports Arena, ang liga ang hiwaton man sa Smart Araneta Coliseum, Ynares Center sa Antipolo City, kag Mall of Asia Arena sa Pasay City.
Ang elimination round ang magasugod sa Marso 17.
