ILOILO – Naglab-ot sa masobra sa 7,000 ka Persons With Disability (PWD) ang nabaton bilang empleyado sa gobyerno.
Ang nasambit nga datus ang ginpabugal ni Civil Service Commission (CSC) Chairperson Alicia Bala sa diin suno sa iya, naglab-ot sa 7,503 ang PWD nga nagatrabaho sa gobyerno sa bug-os nga Pilipinas.
Ginpahayag ni Bala nga sa pagkabug-usan, ang Western Visayas ang may yara sang pinakamadamu nga PWD nga ginbaton.
Sa Western Visayas, nagalab-ot sa 1,662 ukon 22.15% ang mga PWD nga nagatrabaho sa gobyerno.
Suno naman kay CSC Region 6 Director Rodolfo Encajonado, ang pagbaton sa mga PWD ang isa ka pamaagi sang gobyerno agud nga mangin patas sa tanan.
Indi lamang ang mga kwalipikado nga PWD suno kay Encajonado ang ginabaton kundi bukas
man ang CSC sa mga katapo sang Lesbian Gay Bisexual Transgender (LGBT) Community.
