Gin-anunsyo sang Department of Budget and Management (DBM) nga mahimo makapa-reimburse sang P75-300 per month ang mga government employees nga nagasunod sa work-from-home arrangement.
Ini agud nga ma-cover ang ila gasto sa internet.
Suno kay DBM Secretary Wendel Avisado, dapat siguraduhon sang mga ahensya kag departamento nga ang mga personnel sa idalom sang alternative work arrangements nga gina-prescribe sang Civil Service Commission (CSC) ang may yara sang communication equipment kaangay sang computers ukon laptops, mobile phones, kag access sa internet kag email.
Suno kay Avisado, ang reimbursements ang mahimo maka-cover sa reasonable internet kag mobile data subscription expenses sang government workers sa balay.
Tanan nga empleyado nga nagatrabaho sa ila balay ang dapat nga mag-apply sa reimbursement paagi sa pagsumite sang documentary requirements.
Apang gin-athang sang tiglikom nga indi automatically granted ang reimbursement.
Ang regular, casual kag contractual government workers ang mahimo makapa-reimburse sang ila bulanan nga internet expenses samtang ang consultants naman kag ang hired bilang job orders kag service contracts ang indi pwede nga maka-apply.
