ILOILO CITY – Wala pa ginapreparahan sang Department of Foreign Affairs (DFA) ang evacuation ukon repatriation sang mga Pinoy nga nagatrabaho sa Qatar.
Sa interview sang Bombo Radyo Iloilo kay DFA spokesperson Robespierre Bolivar, ginpahayag sini nga sa karon, wala man sila sang nabaton nga mando sa embahada nga ginapapauli na sa Pilipinas ang mga Pinoy.
Suno kay Bolivar, nakahanda ang embahada sang Pilipinas sa pagbulig sa 250,000 ka mga Pinoy nga yara nagatrabaho sa Qatar.
Ginpanugyanan man sang DFA ang mga Pilipino sa Qatar nga magpadulong sa embahada agud mapasigurado nga yara ang mga ini sa hilway nga kondisyon.
Nagalaum naman ang Pilipinas nga gilayon na matapos ang krisis sa Qatar.