Nag-isyu sang circular ang Department of Budget and Management (DBM) nga nagapahanugot sa pag-release sang year-end bonus kag cash gift sang government workers sa una nga payroll sang Nobyembre subong nga tuig.
Suno sa ahensya, ginpaguwa ni Budget Secretary Amenah Pangandaman ang Budget Circular 2024-3 nga naga-amyendar sang nauna nga pagsulundan sa payment sang year-end bonus kag cash gift nga sadto anay nakatalana pagkatapos sang Nobyembre 15, 2024.
Sa latest circular, ginsiling sang Budget Department nga ang year-end bonus nga equivalent sa one-month basic pay (as of Oct. 31) kag cash gift nga P5,000 ang dapat ihatag sa entitled government personnel sang dungan sa una nga agency payroll sang Nobyembre.
“Sa first payroll po sa darating na Nobyembre ay matatanggap na ng mga empleyado ng gobyerno ang kanilang year-end bonus and cash gift. Instead of the existing policy that the payment of these benefits shall not be earlier than Nov. 15 of the year, the qualified personnel shall be granted their respective year-end bonus and cash gift simultaneously with the first agency payroll for the month of November,” suno kay Pangandaman.
Ini nga amendment ang ginhimo bangud sa mga reklamo sang mga government personnel nga nagaka-delay ang ila pagbaton sang bonuses kag cash gifts rason nga nagapaaktuhan man pati ang ila ‘morale, motivation and level of job satisfaction.’
“Our new release schedule for the cash gift and year-end bonus is a simple and important way to recognize the hard work of our government employees. Gusto natin siguraduhin na matatanggap nila ang bonus nila on time, para masaya ang Pasko at mas pagbutihin pa nila ang kanilang serbisyo,” dugang pa sang tiglikom.
Ini nga DBM circular ang naga-apply sa tanan nga national government agencies lakip na ang constitutional offices, state universities and colleges (SUCs), government-owned or -controlled corporations (GOCCs), kag local government units (LGUs).
