Masobra isa na ka bulan nga wala nakapauli si Guimaras Police Provincial Director Police Col. Pablito Asmod Jr. sa iya nga pamilya bangud sa istrikto nga mga pagsulundan nga kinahanglan ipatuman sa probinsya sang Guimaras.
Sa interview sang Bombo Radyo kay PCol. Asmod, iya ginpahayag nga mangin ang iya nga misis ang nagatawag sa iya nga “absentee father” bangud 30% lang ang iya sarang nga itinir sa ila balay kaupod ang pamilya indi kaangay sa trabaho nga 70% gid sa oras ang iya mahatag.
Apang nahangpan man ini sang iya misis kag mangin sang iya kabataan bangud ginahimo lang niya ang katungdanan bilang GPPO Director.
Suno kay Asmod, sadto makapauli pa siya sa iya pamilya sang makaduha ka beses sa isa ka semana apang subong, ginapaagi na lang sa text, call ukon chat ang ila pag-istoryahanay.
Dugang pa sang director, magluwas nga amay sa sulod balay, amay man siya sang mga kapulisan sang Guimaras.
Ang ginakasubo ni Asmod amo nga may mga pulis sa Guimaras nga nagpositibo sa COVID-19 kag agud nga mahagan-hagan ang ila ginabatyag, ginapakita gid niya ang suporta sa mga kapulisan.
Ginbisita niya ang quarantine facility kag ginlutuan sang pagkaon ang mga pulis nga COVID-19 positive.
