Ginbawian sang kabuhi ang isa ka Grade 12 student sa Tuburan, Cebu matapos nalipong sa tunga sang iya performance sa school dance presentation.
Natabo ini kadungan sang selebrasyon sang “Buwan ng Wika” kun sa diin nakit-an ang 17-anyos nga estudyante nga nag-eksperyensiya sang seizure .
Gindala pa ini sa ospital apang wala na natabangan pa.
Antes sini, ginsiling sang iloy niya nga nag-intra ang estudyante sa fun run sang ila eskwelahan duha ka adlaw antes ang amo nga performance.
Pahayag sang iloy, matapos ang fun run, naglain ang pamatyag sang iya bata apang namilit gid ini nga mag-attend sa ila aktibidad.
Nagdesisyon ang pamilya nga indi na lang ini pagpaidalom sa autopsy.
Tuman naman ang pagkalisod sang eskwelahan kasunod sang amo nga hitabo.
