Arestado ang isa ka jeepney driver matapos ginreklamo sang isa ka Grade 3 pupil sang pagpanghimulos sa Rizal Avenue, Brgy. 210, Tondo, Manila.
Ang suspek amo si Jimboy Briones, 43, taga-Brgy. Mapulang Lupa, Pandi, Bulacan nga nadakpan matapos ang backtracking sa CCTV.
Suno sa biktima nga si alyas Ria, 9 anyos, gintayaan siya sang kutsilyo sang suspek sang namalibad siya nga batunon ang kwarta nga gintanyag sa iya kag gindala sa madulom nga lugar, ginhalukan ini tubtob nga ginhimuslan.
Sang ginpangita sang iya iloy ang biktima kag sang ginbalikan ang record sang CCTV, ang suspek ang nakit-an nga ulihi nga kaupod sang bata.
Gilayon naman nagpatigayon sang operasyon ang mga otoridad tubtob naaresto ang suspek.
Ginpasakaan ini sang kaso nga paglapas sa RA 7610 (Anti-Child Abuse Law) kag paglapas sa RA 11648 (An Act Providing for Stronger Protection Against Rape and Sexual Exploitation and Abuse, Increasing the Age for Determining the Commission of Statutory Rape).
