Nag-angkon sang malala nga pilas kag ginkinahanglan nga magpaidalom sa operasyon ang isa ka Grade 3 pupil nga nahulog sa ila school building.
Natabo ang insidente sa Bayanan Elementary School Unit 1 sa Barangay Bayanan, Muntinlupa samtang may Christmas party sa eskwelahan sang Disyembre 19.
Suno sa pamunuan sang eskwelahan, nagsulod ang bata sa isa ka sirado nga bahin sang ikaduha nga panalgan nga may bukas nga alagyan panaog sa una nga panalgan rason nga nahulog ini.
Madasig man nga gindala sa ospital ang bata.
Ginpanginwala naman sang eskwelahan ang mga alegasyon sang pagpabaya.
Nagpakig-angot na ang Department of Education sa pamunuan sang buluthuan agud imbestigahan ang insidente.
