Gin-aresto ang grupo sang mga bata nga babaye sa Arizona, U.S.A. matapos mabuyagyag ang plano nila nga patyon ang ila nga classmate kag pagwaon nga nagpanginmatay ini.
Sa imbestigasyon sang pulis, nagsugod ang plano matapos mangin boyfriend sang isa sa mga akusado nga bata ang biktima nga isa ka bata nga lalaki nga gin-alegar nga nagluib sa iya.
Suno sa report, nagsugtanay ang apat nga bata nga babaye nga nagaedad 10 tubtob 11, nga butungon ang biktima pakadto sa restroom sang eskwelahan kag bun-on ini sa tiyan.
Kabahin man sang plan nga maghimo sang peke nga suicide note kag magsuksok sang gloves agud wala sang mabilin nga fingerprint.
Napalpak ang krimen matapos mabatian sang iban nga estudyante ang ila nga plano kag ginsugid sa isa ka ginikanan.
Sang gin-imbestigaran nga pamunuan sang eskwelahan kag pulis, natumod nga may iban sa ila ang indi seryoso sa pagpatay kag napilitan lang.
Ang iban sa ila ang naghinulsol apang isa sa mga akusado ang nagpabilin nga wala sang paghinulsol kag nagakadlaw pa samtang gina-interview sang mga pulis.
Yara na sa kustodiya sang ila nga mga ginikanan ang apat ka bata kag ginsuspinde sa eskuwelahan.
Padayon man ang imbestigasyon sa kaso batok sa ila.
