Nabali gid ang isa ka Grade 6 pupil matapos ginkuga sang iya classmate sa sulod mismo sang ila classroom sa Bugasong, Antique.
Base sa report, ginpasibangdan sang bata nga nagkuga nga ginsipa siya sang biktima.
Hinali lang nga ginsaruso sang bata ang biktima, kag ginkuga ini tubtob natumba kag nabali ang siko.
Nagtambag naman ang iban nga mga classmates kag nangayo sang bulig agud madala sa ospital ang biktima.
Nagpasalig naman ang pamunuan sang eskwelahan nga magabulig sa gasto sang naospital nga estudyante.
Ginpangayuan naman sang DepEd Schools Division Office sang paathag ang principal kag district supervisor sang Bugasong.
Ginpatawag man ang mga ginikanan sang duha ka mga involved nga estudyante.
