TIGBAUAN, ILOILO – Dead on arrival sa hospital ang 12 anyos nga estudyante nga ginapahayag naghikog sa Brgy. Bagacay, Tigbauan, Iloilo.
Sa interview sang Bombo Radyo kay Police Staff Sergeant Alfie Alcones, imbestigador sang Tigbauan Municipal Police Station, iya ginpahayag nga ang biktima amo si alyas Toto, residente sang nasambit nga lugar kag Grade 7 student sa Bagacay National High School.
Suno kay Alcones, nasapwan na lang ang biktima nga nagabitay sa taytay kun sa diin iya nga gingamit sa paghikog ang liston sang sapatos.
Santo sa tatlo ka pakaisa nga amo ang nakasapo sa biktima, nakita malapit sa taytay ang gingisi nga module.
Nagatrabaho sa banwa sang Oton ang ginikanan sang biktima kag ang kaupod niya sa balay amo ang duha niya ka magulang.
Nagapati ang pamilya suno kay Alcones nga wala sang foul play sa kamatayon sang biktima kag ginapahayag nga problema sa pagsabat sa module ang rason kun nga-a natabo ang insidente.
