Patay ang isa ka 13-anyos nga dalagita matapos nagbato sa lalaki nga nagtuyo nga mahimulos sa iya sa Brgy. San Antonio, Milaor, Camarines Sur.
Ang biktima amo si Annie, grade 8 student.
Ang suspek naman amo si Rudy, residente man sang amo nga barangay.
Base sa imbestigasyon, ginsulod sang suspek ang kwarto sang biktima.
Nabatian sang lola nga kaupod sa balay ang singgit sang biktima kag sang nagsulod ini sa kwarto, naabtan na lang niya nga lipong na kag duguon ang iya apo.
Gindala sa ospital ang dalagita apang ginbawian gid sang kabuhi.
Nakit-an naman sang isa pa ka kaupod sa balay ang pagpalagyo sang suspek gani madasig ini nga na-identify kag nadakpan.
