ILOILO– Madugay na nga ginahimuslan sang iya amay ang isa ka grade 9 student sa syudad ang Iloilo.
Ang biktima ang ginkilala si Alyas Nene, 16.
Sa interview sang Bombo Radyo kay Alyas Marie, tiya sang biktima, iya ginpahayag nga nag-umpisa ang paghimulos sang amay sang Grade 5 pa lang si Nene.
Suno kay Marie, bangud sa kahadlok, wala na nakapanugid si Nene tuhoy sa ginahimu sang iya amay.
Ginpahayag ni Marie nga tubtob subong, kaupod man sa gihapon sang biktima ang iya nga amay sa sulod sang isa ka balay kag mahimo nga nagapadayon sa gihapon ang malain nga buluhaton.
Personal man nga ginkumpronta ni Marie kag sang iya mga utod ang amay sang biktima apang ginpanginwala sini ang mga akusasyon.
