Nakuha ni Chrisia Mae Tajarros gikan sa Rehiyon 8 ukon Eastern Visayas ang labing-una nga bulawan nga medalya sa Palarong Pambansa 2025 sa secondary girls’ 3,000m run.
Suno kay Chrisia Mae, sa pihak sang kabudlay kag kakapoy nga iya naeksperyensyahan sa tion sang iya paghanas, ini ang ginbuslan sang kadalag-an.
Suno sa iya, nag-umpisa siya sa paghanas sa athletics sang Grade 1 pa lang siya.
Ginpaathag niya nga ang iya orihinal nga i-sport amo ang paglangoy ukon swimming apang siya ang nagsaylo sa athletics.
Ginpasalamatan naman ni Chrisia ang Dios sa iya panibag-o nga kadalag-an kag gin-ako nga mabudlay sa training apang ginhimo niya ang masarangan agud malab-ot ang iya ginahandum nga medalya.
Si Tajarros isa ka Grade 9 Student sa Tanauan National High School sa Leyte sa diin nakakuha ini sang silver medal sa Cebu City sang nagligad nga tuig.
Nahibaluan nga suno sa Coach ni Chrisia nga si Mr. Damaso Olidan Jr., nagasugod ang ila training alas 7:00 sang aga tubtub alas 12:00 sang udto.
