ILOILO CITY – Satisfactory ang grado sang syudad sang Iloilo kun Oplan Hawan ang pagahambalan.
Sa interview sang Bombo Radyo kay Maredith Madayag, Department of Interior and Local Government Officer sang Bacolod City, iya ginpahayag nga santo sa iya nga pag-validate kag pag-evaluate sa Oplan Hawan sa syudad sang Iloilo, 70% tubtub 80% ang grado nga iya ihatag.
Suno kay Madayag, indi makabig nga 100% ang clearing operations bangud nga indi man mahinago nga may pila ka mga barangay sa syudad nga may madamo sa gihapon sang sablag sa dalan.
Halimbawa suno kay Madayag amo ang mga water front barangay kag Rizal Pala-Pala Zone 1 kag Zone 2 sa City Proper, Brgy. Balabago, Brgy. Cubay, Brgy. Benedicto kag Brgy. Tabuc Suba sa Jaro sa diin makita ang sidewalk vendors, karinderya kag mga basura nga yara sa higad sang dalan.
Sa subong suno sa natungdan, natapos na ang two-day validation and evaluation apang lauman nga magapatigayon man sang cross checking si Regional Director Ariel Iglesia kaupod ang mga tiglawas gikan sa central office sang Department of Interior and Local Government.
Ang ila report suno kay Madayag ang ila nga igapasa sa alkalde kag amo man sa Regional Office nga amo naman ang magapasa sini sa central office.
