Nagpang-pito sa listahan sang topnotchers ang isa ka produkto sang West Visayas State University (WVSU) La Paz sa ginpatigayon nga October 2025 Physicians Licensure Examination.
Ini amo si Judah Elijah Manticahon Cagas nga may rating nga 89.08%.
Nakuha man sang College of Medicine sang nasambit nga unibersidad ang pang-lima nga pwesto sa Top 10 Performing Schools nga may 50-99 ka mga examinees.
Nalab-ot sang college ang overall passing rate nga 96.91% kun sa diin 94 sa 97 examinees ang nakapasar sa amo nga pasinawan.
Sandig sa Professional Regulation Commission (PRC), 4,570 sa 5,900 examinees ang kabug-usan nga nakapasar sa bilog nga Pilipinas sa ginpatigayon nga exam sang tinalikdan nga Oktubre 4, 5, 11 kag 12.
