Patay ang isa ka graduating student sang University of Abra matapos makursunadahan nga tiruhon sang isa ka lalaki nga hubog sa Bangued, Abra.
Ang biktima amo si Larry Bautista Jr., residente sang Pangasinan kag naga-board lang sa Zone 7, Bangued.
Ang suspek naman amo si Erwin Buging nga nagapangatubang sa kaso nga homicide.
Base sa imbestigasyon, yara sa ilimnan ang suspek kaupod ang mga abyan kag ginpadayaw-dayaw sini ang iya nga pusil agud palukpon.
Gintaya niya ini sa direksyon sang isa ka boarding house kag natabuan nga naggwa sa pwertahan ang biktima kag didto na naglupok ang pusil kag naigo ini.
Gindala pa sa ospital ang biktima apang ginbawian gid sang kabuhi.
Ginrason naman sang suspek nga hubog ini kag wala siya nakahibalo nga natiruhan niya ang biktima nga isa ka working student.
Nagasinggitan sang hustisya ang pamilya sang biktima sa nadangtan bangud sa pagka-iresponsable sang hubog nga suspek.
